Мектепке дейінгі білім беру жүйесі қарқынды дамуда. Бүгінде қалада 67 780 тәрбиеленушіні қамтитын 716 балабақша жұмыс істейді.

Оның ішінде:

▪ 101 мемлекеттік

▪ 612 жекеменшік

▪ 3 ведомстволық балабақша

Қамту көрсеткіштері жоғары деңгейде:

3–6 жас аралығындағы кезекте тұрған барлық балалар 100% орынмен қамтамасыз етілген.

2–6 жас аралығындағы балаларды қамту деңгейі – 97,3%.

2025 жылдың қаңтарынан бастап мектепке дейінгі білім беруде ваучерлік қаржыландырудың пилоттық жобасы іске қосылды. Жобаның басты қағидасы – қаржыландыруды балаға бағыттау.

Бүгінгі таңда:

25 мыңнан астам ваучер берілді

Ата-аналарға 200 мыңнан астам хабарлама жолданды

Нәтижесінде балабақша кезегі үштен бірге қысқарды

Пилоттық жобаның экономикалық тиімділігі – 3,5 млрд теңге.

Орын тапшылығын азайту мақсатында:

▪ Өткен жылы 620 орындық 2 мемлекеттік балабақша пайдалануға берілді.

▪ 2026 жылы тағы 2 099 орынға арналған 7 балабақша ашу жоспарлануда:

— 3 мемлекеттік (750 орын)

— 4 жекеменшік (1349 орын).

Мектепке дейінгі білім беру жүйесін дамыту – балалардың сапалы білім алып, жайлы ортада тәрбиеленуінің маңызды кепілі.